新式大排檔「楚撚記」　西環新店限定菜式

土瓜灣人氣餐廳「楚撚記大排檔」於西環開設分店，餐廳決定逆市開店，希望為香港人打氣，同時舉行由4月起連續三個月免費派飯盒活動，俾社會上有需要嘅人仕。

今次西環新店除咗港式地道大排檔小菜之外，更特意開發3款限定招牌新菜式，包括：

西環新店限定

西楚霸王雞
選用優質清水雞，雞味濃，肉質滑！鋪上澎湃的惹味香蔥及炸蒜，和特別調製的秘方醬油，霸氣盡現！

地道港式煎蠔餅
邊個話好食嘅蠔餅只得廟街有？楚撚記誓要挑機，令人記得港島都有蠔餅No.1 !

楚撚記黑栢葉爆炒雞腎花
香辣、麻香、醬香、鑊氣俱備，楚撚記大廚自家創作特色菜，愛辣嘅你一定食過返尋味！

老火菜乾煲豬肺湯
豬肺老火湯，最考功夫，文火二十四小時熬製，火候十足、清心潤肺，長期未到9點就賣晒。

菠蘿拔絲咕嚕肉 (梅頭)
長期高踞人氣榜榜首，無諗過喺大棑檔都食到咁花功夫嘅手工菜式拳頭咁大嘅拔絲由師傅人手拉糖，每一碟都係藝術品，盡顯師傅工架。

酥炸黑松露菌醬芝心乒乓球爆漿牛丸
當港式地道手打牛丸遇上西洋黑松露，依位混血兒嘅Q彈口感同松露醬嘅香味令到好多人都不能抗拒，非點不可。

【楚撚記大排檔 – 西環分店】
地址：西環石塘咀皇后大道西554-560號日富里地下1號舖 (火鍋撚轉彎，入口位於日富里)
營業時間：星期一至日：17:30-03:00